ياترى قلبك عنده كام سنة



ياترى قلبك ♥ عنده كام سنة؟🤔🤔

عمرك سألت نفسك ليه لما بتشوف حد زايد جدا في الوزن بتحس كإنه كبير في السن؟

وليه لما بتشوف جلد او اسنان حد بيدخن بتحس انه اكبر بكتير من عمره؟ كأن اسنانه اسنان واحد عجوز او جلده ناشف ومشقق وشكله عامة كبير .. مع ان سنه صغير؟

ببساطة.. لأن هي دي الحقيقة!! 😬

الشخص ده.. عمره البيولوجي (عمر خلاياه وأجهزة جسمه) كبر جدا عن الطبيعي .. وقرب من الموت اكتر بكتير من اللي في نفس عمره السني..

ولو نزل في الوزن او بطل #التدخين.. عمره بيرجع ورا كتير وبيصغر في السن البيولوجي..

عمر قلبك وخلايا جسمك بيتأثرجدا بزيادة #الوزن وبالتدخين وترسب #الدهون..

زي بالظبط لو انت واخوك اشتريتو عربيتين 🚗🚗في نفس السنة.. هو اهتم بعربيته وصيانتها وحافظ عليها.. وانت اهملتها وبهدلتها.. هل بعد خمس سنين هتلاقي العربيتين زي بعض؟؟!🤨

الاثنين اللي في الصورة دي.. أختين.. توأم متماثل... الفرق الوحيد بينهم.. ان واحدة بتدخن والثانية لأ!!

وقف #التدخين.. العب #رياضة.. نزل #وزنك.. اجري.. كل أكل #صحي.. وهتشوف الفرق!

في أول كومنت هتلاقي موقع تابع للصحة البريطانية بيقيس عمر قلبك التقريبي بناءا على عاداتك الصحية..

#شير_في_الخير #الدكتور #محمد_منصور

1 عرض
قنوات تتبعنا:
Logo.png
  • YouTube
  • White Facebook Icon

حقوق النشر محفوظة لموقع الدكتور 2019-2020