هنتكلم انهاردة عن حصوات الكلى....
حصوات الكلى دى عبارة عن رواسب من المعادن و الاملاح بتتكون داخل الكلية و بتأثر على أى جزء من اجزاء القناة البولية ابتداءا من الكلية حتى المثانة و تتكون نتيجة تركيز البول فى الجسم مما يساعد على تجمع الاملاح و المعادن معا.
طيب ايه اعراض تكون حصوات الكلى؟
1️⃣-الم شديد فى منطقة الخصر و الظهر اسفل الضلوع
2️⃣-الم اثناء التبول
3️⃣-تغير لون البول (احمر او بنى)
4️⃣-خروج كميات صغيرة من البول و احيانا يصاحبها رائحة كريهه
5️⃣-الشعور المستمر بالرغبة فى التبول
6️⃣-الشعور بالغثيان و الرغبة فى التقيؤ
7️⃣- ارتفاع درجة الحرارة و الشعور بالبرد ( فى حالة وجود عدوى )
عشان نعرف اسباب تكوين الحصوات مهم اننا نعرف انواعها‼️
1️⃣-حصوات الكالسيوم (الاكثر حدوثا فى الكلى)
2️⃣-حصوات الستروفايت ( تتكون نتيجة لعدوى بكتيرية فى القناة البولية و حجمها بيكون كبير الى حد ما )
3️⃣-حصوات حمض اليوريك ( تتكون نتيجة نقص كمية السوائل و زيادة البروتين فى الجسم )
4️⃣-حصوات السيستين ( تتكون عند الناس الذين يعانون من مشاكل وراثية فى الكلى )
ايه بقى العوامل المساعدة على تكوين الحصوات؟
1️⃣-الجفاف....عدم شرب كميات كافية من الماء لفترة طويلة و العيش فى المناطق الحارة مما يزيد من كمية العرق و نقص سوائل الجسم
2️⃣-النظام الغذائى....الافراط فى تناول البروتينات، الاملاح(الصوديوم) و السكريات
3️⃣-السمنة المفرطة
4️⃣-الامراض الهضمية و العمليات الجراحية
المفروض اعمل ايه عشان احمى نفسى؟
-المواظبة على شرب الماء بكميات مناسبة🥛🥤
-تجنب كثرة الاملاح فى الطعام🚫
-الحفاظ على الوزن و ممارسة الرياضه بشكل منتظم يوميا🚴🏃🏋️♂️