هل أول مايجيلك سخونية (حمى).. لازم تلحق تتعالج بدري وتاخد مضاد حيوي قوي عشان تخف بسرعة..صح



أول مايجيلك سخونية (حمى).. لازم تلحق تتعالج بدري وتاخد مضاد حيوي قوي عشان تخف بسرعة..

صح؟؟


لأ .. طبعاً غلط!!🙂


لأن في أغلب الأحيان.. سبب الحمى بيكون فايروس وليس بكتيريا (في بعض الدراسات على الأطفال وصلت النسبة لأكثر من 86%)


والفايروسات لا تستجيب للمضادات الحيوية طبعاً...


يعني حضرتك.. كل اللي بتعمله إنك بتؤذي نفسك (أو طفلك مثلاً) بانك تخلي بكتيريا جسمه عندها مناعة للمضاد الحيوي اللي اخده.. و بتموت البكتيريا النافعة اللي في جسمه.. وبتصرف فلوسك عالفاضي..


ده غير الآثار الجانبية الكثيييييييييرة جداً للمضادات الحيوية.. اللي بتوصل في أحيان كتير لحساسية قد تكون مميتة زي متلازمة ستيفن جونسن مثلاً!!


وكل ده بدون فايدة!!


يبقى تعمل إيه لما تجيلك أو لطفلك - لاقدر الله - حمى؟


1- اشرب سوائل كتير.. كتير .. كتييير..


2- ارتاح.. الراحة مهمة جدا عشان جهازك المناعي يشتغل كويس.. وعشان تقلل التكسير (الميتابوليزم) في جسمك.. لأن الحرارة و العدوى.. الاتنين بيزودو التكسير..


3- استعمل مسكن امن زي الباراسيتامول بجرعة كافية (مش قرص عند اللزوم!! لأنه مش هيعمل حاجة).. واستعمل مضادات الحساسية ومضادات الاحتقان اذا فيه اعراض رشح وغيره (إلا اذا عندك مانع طبي.. زي مثلاً تضخم البروستاتا عند الرجالة)


4- خلي أكلك صحي.. واشرب سوائل كتير (تاني 😊)


5- وأخيراً.. إذا بعد 3 أيام.. الحرارة لسة ما خفتش.. يبقى ده ممكن يكون عدوى بكتيرية .. أو فيروسية محتاجة علاج محدد.. هنا.. تزور الطبيب طبعاً..


6- في كل الأحوال: إذا حسيت انك تعبان جداً.. او اذا ظهر طفح جلدي.. أو ترجيع (قيء).. أو صداع شديد .. أو فقدان للوعي.. أو تشنجات.. أو حصل نزيف في البول أو شفت دم في البراز.. أو أي علامة تانية غريبة عليك... لازم تراجع الطبيب فوراً


وألف سلامة عليكم جميعا :)


#شير_في_الخير

#الدكتور

#محمد_منصور


4 عرض
قنوات تتبعنا:
Logo.png
  • YouTube
  • White Facebook Icon

حقوق النشر محفوظة لموقع الدكتور 2019-2020