لو حصل لنا نزيف من الأنف نعمل ايه..؟ 🤧 طب نرجع راسنا لورا و لا نحنيها لقدام..؟ 🤔 أوّل حاجة تعالوا

لو حصل لنا نزيف من الأنف نعمل ايه..؟ 🤧

طب نرجع راسنا لورا و لا نحنيها لقدام..؟ 🤔 أوّل حاجة تعالوا نعرف النّزيف دا بيحصل ليه.. الرُّعاف أو نزيف الأنف.. ✔️ بيحصل أكثر في الأطفال ( بالذّات من سنتين لغاية سنّ البلوغ كدا ) و أيضًا كبار السنّ.. ✔️ أغلب حالات الرُّعاف بتكون من الأوعية الدّموية في الجزء الأمامي من الأنف ( نزيف أمامي ).. و دي ممكن نتعامل معاها ببعض الإسعافات الأولّية اللي حنقولها دلوقتي.. ✔️ نادرًا ما بيكون النّزيف خلفي ( الدّم جاي من الأوعية الدموية في الجُزء الخلفي للأنف و بينزل على الحلق و دا أصعب في التعامل معاه و بيحتاج علاج في المستشفى.. ) ✔️ ايه أشهر أسباب الرُّعاف..؟ 🔴 ضعف الأوعية الدّموية في الغشاء المُبطِّن للأنف.. 🔴 تعرُّض هذه الأوعية للخدش إمّا بسبب جسم غريب أو بسبب رضّة ( خبطة ).. 🔴 جفاف الأنف و دا بيحصل لمّا الجو ما يكونش فيه رطوبة.. 🔴 التهاب الجيوب الأنفية و حساسية الأنف قد تُسبب رُعاف بسبب الرّشح المُستمرّ.. 🔴 أمراض سيولة الدّم ( زيّ الهيموفيليا ).. 🔴 ممكن يحصل من الأدوية المانعة للتجلّط ( زيّ الماريفان ) 🔴 اللحمية أو وجود ورم في الأنف..

لو مافيش حالة مُسببة للنّزيف دا تستدعي الانتباه و الموضوع مش بيتكرّر كثير حعمل بعض الإسعافات الأوليّة: 🔴 نحني الرّأس للأمام مش للخلف.. لإنّ لو رجّعت رأس المصاب للخلف ممكن تعرّضه لإنّه يبلع الدّم و دا غلط.. 🔴 نضغط على فتحتي الأنف لمدّة من ٥-١٠ دقائق.. 🔴 ممكن أيضًا استخدام بخاخة قابضة للأوعية الدّموية ( زي اوترفين )..

✔️ بعد كدا كإجراء وقائي ممكن نستخدم بخاخة بيبي سالاين لترطيب الأنف و ممكن ناخذ دواء مقوّي للأوعية الدّموية..

في نهاية البوست كالعادة شاركوه مع العائلة و الأصدقاء و دمتم سالمين و أصحاء.. 😄🌸

#الدكتور #طب_ولا_عك #مريم_جاسر

11 عرض
قنوات تتبعنا:
Logo.png
  • YouTube
  • White Facebook Icon

حقوق النشر محفوظة لموقع الدكتور 2019-2020