لكل الأحباب اللي بيسألو ليه ماعملتش فيديوهات تانية عن كورونا (أو كوفيد19):

بصراحة شديدة وبدون دخول في تفاصيل: الموضوع لم يعد مشكلة طبية.. أصبح مشكلة اقتصادية بالمقام الأول ثم سياسية بالمقام الثاني.. المعلومات اللي قلتها في الفيديوهين اللي فاتوا كافية جداً عشان حضرتك تفهم المرض وحقيقته وطرق الحماية منه.. لكن الأعداد اللي بتزيد والدول اللي بيظهر فيها بعد ماكانت بتنكر وجوده... والدول اللي زي الصين اللي بدأ ينحسر فيها (حسب أرقامهم المعلنة).. كل ده مالهوش أي علاقة بحقيقة المرض أو انتشاره! يعني إيه؟ هقول لحضرتك باختصار شديد جدا 3 عناوين أخبار (من ضمن عشرات) تقدر حضرتك من خلالهم تفهم ليه فيه دول كانت بتنكر وجود المرض عندها (بينما العالم كله عارف انه موجود عندها) بدأت تعلن ظهوره.. وليه دول تانية زي الصين بدأت تعلن ان الكورونا بينحسر (مع إن الواقع قد يكون العكس تماماً) 1- منظمة الصحة العالمية والبنك العالمي يعلنان عن ميزانية طوارئ وضخ أموال مساعدة للدول التي يظهر فيها المرضز 2- الحكومة الصينية تهتم بثبات الإقتصاد على حساب صحة وأرواح البشر 3- تقارير وفيديوهات مسربة عن آلاف الجثث يتم حرقها بشكل عشوائي في الصين لعدم تسجيلها إصابات كوفيد19 ( وتسريبات لفيديوهات ادعاءات بحرق مرضى أحياء واثبات وفاتهم بأمراض أخرى)!! ولأن صفحة وقناة الدكتور مش بنتكلم فيهم برأينا ولا تحليلاتنا.. ولكن بالعلم والطب المبني على الدليل فقط.. فعشان كده توقفت عن تسجيل أي فيديوهات تحديث حالياً عن المرض ده.. بعض المصادر البسيطة هكتبها في أول تعليق.. لكن حضرتك لازم تدور بنفسك.. أنا ضد نظرية المؤامرة على طول الخط لأنها دائما بتكون وسيلة للهروب من العلم وتصديق الخرافات والجهل.. لكن لأن هنا الأدلة كلها بتصب في اتجاه المؤامرات.. فأنا سأكتفي بما قلته من جوانب علمية تكفي حضرتك انك تحمي نفسك وعيلتك بإذن الله.. وتقدر حضرتك تشوف الفيديوهين على قناة أو صفحة "الدكتور".. ودمتم في حفظ الله.. (تعديل بسيط لعدم إساءة الفهم: انا مش بقول ان المرض مش حقيقي او انه مؤامرة... انا بقول ان أعداد الحالات وزيادتها أو نقصها كتير منه مش حقيقي وبيتحكم فيه سياسة واقتصاد.. فمفيش داعي للخوض فيه) #الدكتور #محمد_منصور

20 عرض
قنوات تتبعنا:
Logo.png
  • YouTube
  • White Facebook Icon

حقوق النشر محفوظة لموقع الدكتور 2019-2020