فايروس سي بقى يعتبر مرض بيتعالج وبيخف تماما في العالم كله..



فيه بوستات منتشرة على فيسبوك عن دكاترة (بيتقال انهم متخصصين - بدون أسماء) بيحذرو من علاج #فايروس_سي اللي بيستعمل في مصر إنه بيتسبب في #سرطان_الكبد.. وان "إياكم تاخدو العلاج"!


و تعليقات لناس كتير بتأكد الموضوع..

من نوعية: "أنا والدي اخد العلاج وخف من #الفايروس.. لكن بعدها جاله #كانسر في #الكبد ومات بسببه" و"حسبي الله ونعم الوكيل" .. و"العالم كله مستني نتيجة التجربة دي عشان هم بيجربو الدوا في المصريين" .. الخ الخ..


بدون الدخول في تفاصيل كتير..


الكلام ده كله مش مظبوط! وسببه كان ان مجموعة من المرضى اتشخصوا بالمرض الخبيث بعد العلاج فعلا سنة 2017.. لكن مفيش دليل نهائيا ان العلاج له علاقة بالكانسر.


العلاج اللي بيستعمل حاليا وبيجيب نتائج كويسة جداً ( #سوفالدي / #سوفوسبوفير) مش بيتجرب في #مصر ولا حاجة!


ده بيستعمل من سنين في العالم كله بعد ما عدى على كل مراحل التجارب المعروفة ..في المعمل وعلى حيوانات وعلى بشر.. و مفيش أي دليل محترم انه بيسبب اي سرطان جديد..


المشكلة ان مرضى الفايروس الكبدي سي بيكونو معرضين أكثر من غيرهم لأورام الكبد نتيجة أسباب كتير مش مجالها هنا.. فبعضهم بيتشخص بالورم الخبيث للأسف بعد العلاج.. لكن ده كان هيحصل سواء اتعالج أو لأ.. والدراسات اللي اتعملت على ده مش قليلة..


خلاصة الكلام.. والسبب في البوست ده:


فايروس سي بقى يعتبر مرض بيتعالج وبيخف تماما في العالم كله..

لو تعرف حد مش عايز يتعالج من الفايروس بسبب الخوف من السرطان.. اشرح له ان الموضوع مش صح.. وإنه لازم ياخد العلاج قبل ما الكبد يبوظ تماما!


شير لو تعرف أي مريض بفايروس سي عشان الناس ماتضيعش على نفسها فرصة العلاج والفرصة في حياة طبيعية!

الدكتور الحالات ال16 اللي تم تشخيصها بالكانسر في 2017

https://hrjournal.net/article/view/2064/1600

دراسة لأكثر من 33 ألف مريض تم علاجهم بيقول ان مفيش علاقة بين العلاج وبين الكانسر

https://www.ncbi.nlm.nih.gov/pubmed/30142097


#شير_في_الخير

#الدكتور

#طب_ولا_عك

1 عرض
قنوات تتبعنا:
Logo.png
  • YouTube
  • White Facebook Icon

حقوق النشر محفوظة لموقع الدكتور 2019-2020