هى ايه اعراض التهاب المفاصل و المشاكل التى يسببها



-بتحس بألم شديد و انت بتتحرك؟😮 بتسمع من الناس الكبيرة فى السن حواليك ان عندهم خشونة فى الركبة؛... هى دى اعراض *التهاب المفاصل*‼️


-التهاب المفاصل ده من اشهر الأمراض انتشارا على مستوى العالم؛ و ده بيحصل نتيجة تآكل فى الغضاريف الموجودة فى المفاصل دى.


-طب يعنى ايه غضاريف؟؟🤔🤔 الغضاريف دى انسجة مرنة بتبقا موجود فى منطقة التقاء العظام فى المفاصل و بتمنع الاحتكاك بين العظام و بتساعد على سهولة حركة المفصل


-طب هى ايه اعراض التهاب المفاصل و المشاكل التى يسببها؟‼️


1-ألم شديد اثناء الحركة⚠️

2-خشونة فى المفاصل و من اشهرها خشونة الركبة

3-احساس بليونة المفاصل عند الضغط عليها

4-فقدان المرونة و صعوبة الحركة

5-ورم و تضخم فى الأنسجة المحيطة بالمفاصل


-عرفنا أن السبب الاساسى لالتهاب المفاصل هو تآكل الغضاريف...طب ايه اللى ممكن يخلى الغضاريف دى تتآكل؟🤔


- طبعاً.. التقدم فى العمر👴👵

- الجنس (وفقا للدراسات ثبت أن السيدات اكثر عرضة للأصابة بالتهاب المفاصل)🧕

- السمنة... أكيد طبعاً!! نتجية زيادة الضغط على المفاصل و سرعة تآكل الغضاريف

- التدخين (تقريباً مفيش مصيبة إلا وهتلاقي التدخين له دور فيها)

- بعض العوامل الوراثية اللي مالناش تحكم فيها! (فكر فيها لو كان فيه أكتر من شخص في عيلتك عندهم خشونة شديدة في المفاصل)

- بعض الأمراض مثل مرض السكر و زيادة نسبة ترسب الحديد فى الجسم و المعروف بالهيموكروماتوزيس


طيب.. نعمل ايه عشان نحمي نفسنا؟

هنتكلم في الموضوع ده في بوست تاني ان شاء الله


#الدكتور

#طب_ولا_عك

#زياد_منصور


4 عرض
قنوات تتبعنا:
Logo.png
  • YouTube
  • White Facebook Icon

حقوق النشر محفوظة لموقع الدكتور 2019-2020