سر ناس فوق ال100 سنة و صحتهم ما شاء الله

عشان محدش يقول محدش قاللي

اللي لحق جده أو جدته في مصر كان هيلاقيهم في معظم الاحيان معتمدين على نفسهم في كل شيء لغاية اخر ايامهم


في السعودية شفت ناس فوق ال100 سنة و صحتهم ما شاء الله كويسة و مرة سألت مريض عنده حاجة و تسعين سنة ازاي صحته ما شاء الله ولا اللي عنده 50 سنة ، الراجل قاللي انهم لحقوا المملكة في شبابهم قبل العربيات و البترول و كانوا بيمشوا كل يوم بال20 و ال30 كيلومتر عشان يجيبوا مياه مثلا و عادي جدا ، و معظم أكلهم كان التمر و اللبن و المياه بس و الحياة جميلة

هنا في انجلترا ناس عندها 80 و 90 سنة و اكتر و ما شاء الله بيتحركوا لوحدهم و معتمدين على نفسهم و فيه منهم بيشتغل و متطوع في انشطة

في هولندا كان الناس عندهم 70 سنة و بيضربوا جرس العجلة عشان اعديهم عشان ماشي بطيء بالعجلة و باشحر

السر في الرياضة و النشاط

اتحركوا و امشوا و سيبوا العربيات و المواصلات شوية ، اللي يلاقي حد يلعب معاه كورة يروح ، اللي يلاقي حد يجري معاه ينزل ، اللي يعرف يجيب عجلة يجيب ركوبك في الميكروباص و لا المترو ساعتين في اليوم ده مش رياضة على فكرة 📷:) في معظم الاحيان شغلك حتى لو مرهق مش رياضة

قبل ما اجي انجلترا كان فيه جروب لسه متأسس اسمه "كورة يا متجوزين" و كان فيه ناس كتير قوي ما يعرفوش بعض بيجمعوا بعض و بيروحوا يلعبوا كورة و يستمعتوا فيه جروبات للجري على الفيس بوك و اجتهادات كتير ظريفة

و قبل ما حد يقول ان الجري ولا المشي هنا في انجلترا او اوروبا ممتع انما هنجري فين ولا هنركب عجل فين في مصر، الكلام ده حجة مش اكتر

انا كنت باجري في مصر عادي ، اصحى الصبح بدري الشوارع بتبقى فاضية ، سور القصر الجمهوري في القبة و سور الكلية الحربية او اي ملعب في اي مركز شباب و زي ما قولت فيه دلوقتي جروبات على الفيسبوك

الرياضة مش رفاهية الرياضة يمكن ما تطولش عمرك بس أكيد هتخليك تعيش حياة أفضل

و للستات أحب أقولهم الرياضة هتخليكوا تخسوا و انتوا بتاكلوا حلويات و محشي 📷:) و الرياضة هتخلي شكلكم اصغر من سنكم اللي بيقف عند 25 سنة ده 📷:D

#طب_ولا_عك #الدكتور #علاء_السويفي

1 عرض
قنوات تتبعنا:
Logo.png
  • YouTube
  • White Facebook Icon

حقوق النشر محفوظة لموقع الدكتور 2019-2020