تحذير لكل بنت متجوزة وبتفكر تحمل.. أو تعرف واحدة حبيبتها متجوزة وحامل

#نصيحة_سريعة:

#كبسولة:



نسبة الولادات القيصرية في مصر وصلت لمعدل مرعب!! 😳


النسبة تخطت ال 70% للولادات اللي جوه مستشفيات! بينما كانت حوالي 26% سنة 2005!!


يعني.. بعد ماكانت ربع ستات مصر بس بتولد قيصري سنة 2005 (مع إن الدكاترة كانوا بيعرفو يولدو قيصري في الوقت ده!!) .. دلوقت حوالي الربع بس بيولدو طبيعي!! (مع إن أسباب الولادة القيصري ماتغيرتش!! لكنها بقت موضة!! عند كتير من الستات وعند كتير من الداكترة للأسف!!)


والكلام يكاد ينطبق على كل الدول العربية!!


فاضل أقول إن دولة زي بريطانيا .. أقل من 25% من الولادات بتكون قيصري (منهم 11% بس مترتب لها من البداية.. والباقي طوارئ) .. وفي السويد 17% بس بيولدو قيصري (سواء مترتبه أو طوارئ!)


متخيلة الفرق بيننا وبينهم أد إيه؟؟ 😓


بالمناسبة.. اللي أطلق التحذير ده عن اللي بيحصل في مصر كان الصحافة العالمية زي الجارديان والديلي ميل!!


للأسف.. بقينا مشهورين أوي يا خال!! 😏


إقرأي عن الفرق بين الولادة الطبيعية والقيصرية.. اعرفي مميزات وأخطار كل واحدة فيهم.. وقرري مع دكتورك إيه المناسب بناءاً على صحتك وصحة ووضع جنينك.. مش بناءاً على بنت خالتك ولدت ازاي ولا الموضة إيه السنة دي!! 🤨🤔


#صحتك_أغلى_ما_تملك

#شير_في_الخير #حامل

#طب_ولا_عك

#الدكتور

#محمد_منصور


1 عرض
قنوات تتبعنا:
Logo.png
  • YouTube
  • White Facebook Icon

حقوق النشر محفوظة لموقع الدكتور 2019-2020