القشرة من أكثر مشاكل الشعرالمُنتشرة و بتسبب الحرج لو ما اتعالجتش



حنتكلّم النّهارة عن مشكلة بيعاني منها كثير منّنا و بتسبب الحرج لو ما اتعالجتش.. 😖

القشرة.. من أكثر مشاكل الشعر المُنتشرة..

طيب ايه سببها..؟

لغاية دلوقتي مفيش سبب مُحدّد.. و لكن فيه عوامل ممكن تزوّد احتماليّة الإصابة بالقشرة..

🔴 الرّجال أكثر من النّساء

🔴 أصحاب البشرة ( فروة الرّأس ) الدّهنية

🔴 لو احنا من النّاس اللي مش بتغسل شعرها كثير..


كمان في نوع من الفطريّات اللي موجود في فروة الرّأس بيلعب دور كبير في حدوث القشرة.. لمّا الغدد الدهنية في فروة الرأس تفرز دهون أكثر شوية من الطبيعي الفطريات دي بتتغذى عليها و تفرز مواد تسبب التهاب الفروة ( تسبب الحكة المُصاحبة للقشرة ) و تكوّن القشرة البيضاء اللي بنشوفها في الشّعر.. عشان كدا غسيل الشّعر حتى لو بشامبو عادي ممكن يخفّف القشرة عن طريق إزالة الدهون الزائدة لو الحالة مش شديدة اوي..

لكن لو الحالة شديدة و ما راحتش بمجرّد غسيل الشّعر فمحتاجين نستخدم شامبو طبّي..

شامبوهات القشرة حنلاقي فيها واحدة من الموادّ دي:

🔴 بايرثرون زينك

🔴 ساليسيلك أسيد

🔴 سيلينيوم سالفايد

🔴 كيتوكونازول


حاجة أخيرة إنّ القشرة مش معدية.. سببها فطريات بالفعل و لكن الفطريات دي موجودة في فروة الشعر بشكل طبيعي و المشكلة هي في النّشاط الزّائد لها..


شاركوا البوست مع حد تعرفوه بيعاني من القشرة و دمتم سالمين و أصحاء كالعادة.. 😄🌸


#الدكتور

#طب_ولا_عك

#مريم_جاسر

28 عرض0 تعليق