ازاي نحافظ على معدّل كويس من فيتامين دال في جسمنا و نتجنّب نقصه



تعرفوا إنّ نقص فيتامين دال ممكن يكون سبب في الشّعور بالإرهاق و الاكتئاب و تساقط الشّعر و آلام العضلات مش بسّ هشاشة العظام..؟

وظيفة فيتامين دال الرّئيسيّة هي المحافظة على سلامة العظام.. لإنّه بيزوّد امتصاص الكالسيوم من الأمعاء و ترسّبه في العظام و بالتّالي نموّ العظام بشكل سليم عند الأطفال و المُحافظة على نسب الكالسيوم فيها عند البالغين..

لكن دا مش الدّور الوحيد.. فيتامين دال مهمّ جدًّا في حاجات ثانية كثير..

زيّ إنّه بيقوّي الجهاز المناعي و كمان ليه دور في الحفاظ على سلامة العضلات و اعتدال المود و نموّ الشّعر..

طيب..

ازاي نحافظ على معدّل كويس من فيتامين دال في جسمنا و نتجنّب نقصه..؟

إليكم شوية حاجات لطيفة ممكن نعملها

🔴 نتعرض للشّمس يوميًّا لمدّة 10-15 دقيقة..

🔴 ناكل الأطعمة الغنيّة بفيتامين دال زيّ التونة و السلمون و السردين و المشروم و صفار البيض..

🔴 بعض الأطعمة المُعلَّبة بينضاف لها فيتامين دال زي الحليب و الزّبادي و عصير البرتقال.. لو عايزين تعرفوا المنتج اللي حتشتروه مضاف ليه فيتامين دال و لا لأ بصوا على المكوّنات..

🔴 ممكن ناخذ مكمّلات غذائيّة تحتوي على فيتامين دال لو بدأنا نشتكي من أعراض و لقينا النّسبة قليلة فعلاً.. لذلك يُنصح بالمُتابعة مع مختصّ في حالة أخذ المكمّلات الغذائية..


حافظوا على صحّتكم و شاركوا البوست دا مع أيّ حدّ تعرفوه مش بيحب يخرج في الشمس..

و دمتم أصحاء و سالمين.. 🌸


#طب_ولا_عك

#شير_في_الخير

#مريم_جاسر

8 عرض
قنوات تتبعنا:
Logo.png
  • YouTube
  • White Facebook Icon

حقوق النشر محفوظة لموقع الدكتور 2019-2020